Польша терма жамоасининг ҳужумчиси Аркадиуш Милик Шимолий Ирландияга қарши бўлиб ўтадиган ўйиндан олдин ўз фикрлари билан ўртоқлашди.
«Биз ўйин фаворитимиз? Йўқ, йўқ, йўқ. Рақибни менсимасликка йўл қўйиб бўлмайди. Польша Европа чемпионатларининг бирорта ўйинида ғалаба қозона олмаган. Биз ҳали ҳеч нарсага эришганимиз йўқ. Ҳозир Польшада кўтаринки кайфият ҳукмрон. Мухлислар биздан кўп нарсани кутишяпти. Аввало гуруҳдан чиқиш вазифасини ҳал қилишимиз лозим. Шундан кейин бошқа вазифалар ҳақида ўйлашимиз мумкин» - деди Милик УЕФА расмий сайти хабарига кўра.
Эслатиб ўтамиз, Польша – Шимолий Ирландия ўйини 12 июнь куни бўлиб ўтади.
