Бугунги “Навбаҳор”-“Насаф” учрашуви якунига еткач одатдагидек учрашув якунларига бағишланган матбуот анжумани ўтказилди. Матбуот анжуманининг дастлабки қисмида жамоамиз бош мураббийи Рўзиқул Бердиев иштирок этди.
-Учрашувнинг 80-дақиқасигача икки тўп билан олдинда бориб, натижада дурангга эришиш биз учун қониқарли эмас. “Навбаҳор” жамоаси ҳам бугун бизга муносиб қаршилик кўрсатди. Шундан бугунги натижа ҳам ўйинга мос бўлди деб, ҳисоблайман. Жамоамиз ўйинига келадиган бўлсам, бугун биз кутилган ўйинни намойиш эта олмадик. Шу сабаб бугун очко йўқотишга мажбур бўлдик.
Нафақат футболда балки, барча спорт турида омад керак бўлади. Масалан, бугун мезбонлар пенальтидан гол уришганида “Навбаҳор” ғалаба қозониши ҳам мумкин эди. Яна бир бир вазиятга эътиборларингизни қаратаман, энди омадни қаранг, ўша 2:0 ҳисобида олдинда бораётиб, учинчи голни уришга яқин келдик, афсуски бунга дарвоза устуни тўсқинлик қилди. Балки ўша вазият голга айланганида ўйин тақдирини ҳал қилиб қўйган бўлармидик. Бунда яққол омад “Навбаҳор” жамоси томонида бўлди. Шундан келиб чиқиб айтиш мумкинки, омадга ҳам кўп нарса боғлиқ.
