Испания терма жамоасининг яримҳимоячиси Франсеск Фабрегас Германия ва Италия терма жамоалари испанияликларнинг ўйин услубини ўзлаштириб олишаётганини гапирди.
«Испания терма жамоаси дунё футболига катта таъсир ўтказгани ҳақида менда шубҳа йўқ. 2006-2008 йилларда ҳозирги услубда ўйнай бошлаганимизда, бошқа жамоалар умуман ўзгача ўйин намойиш қилишган. Агар танланган тактика ғалаба келтирмаса, у ҳеч кимни қизиқтирмайди. Агар муваффақият қозона бошласанг, бошқалар дарҳол уни ўзлаштириб олишади. Улар орасида Германия ва Конте бошчилигидаги Италия ҳам бор.
Биз фаворитмизми ё йўқми билмайман. Лекин қайси жамоа футболчиларининг жисмоний ҳолати яхши бўлса, шу ғолиб чиқади” – деди Фабрегас.
