Бразилия футбол конфедерацияси раҳбарияти (CBF) бош мураббий Дунгани ўз лавозимидан бўшатиш ниятида эмас. Бу ҳақда терма жамоалар координатори Жилмар Риналди хабар берди.

«Мен CBF президенти билан гаплашдим. Дунга Бразилия терма жамоасини Рио-2016да бошқаради. Бу ҳақда икки йил олдин қарор чиқарилган. Режамизда ҳеч нарса ўзгаргани йўқ. У ўз ишини яхши бажармоқда, терма жамоа тўғри йўлда», — деди Риналди Globoesporte хабарига кўра.

Эслатиб ўтамиз, «Пентакампеонлар» Америка кубоги баҳсларида Перу (0:1) терма жамоасига мағлуб бўлиб, гуруҳдан чиқолмай қолишганди.