Англия ёшлар терма жамоасининг устози Гарет Саутгейт миллий терма жамоа бош мураббийи вазифасини бажарувчи қилиб тайинланди, деб хабар беради The Guardian.
45 ёшли мутахассис жамоани ЖЧ-2018 саралаш ўйинларига тайёрлайди. Англия футбол ассоциацияси доимий равишда ишловчи янги бош мураббийни топмагунча, Саутгейт терма жамоада ишлашни давом эттиради.
Эслатиб ўтамиз, ЖЧ-2018 саралаш ўйинларида Англия F гуруҳида Шотландия, Литва, Словения, Словакия ва Мальта билан ўйнайди.