Германия терма жамоаси ҳужумчиси Томас Мюллер Евро-2016 чоракфиналидан ўрин олган Италияга қарши ўйинда немислар ғалаба қозонишига ишонч билдирди. Ҳужумчи Евро-2012 даги ҳолат такрорланмаслигига умид билдирди, ўшанда Германия яримфиналда 1:2 ҳисобида мағлуб бўлганди.

“Ўшанда бироз хафа бўлгандим. Ҳаммаси кўз ёшлар билан тугаганди. Умид қиламанки бу сафар ундай бўлмайди. Қийин бўлишини биламан, бироқ албатта кейинги босқичга чиқамиз. Германия ажойиб таркибга эга, шунинг учун ҳам чоракфинал биз учун сўнгги босқич бўлмайди. Италияда яхши ҳимоячилар бор, аммо хатога йўл қўймайдиган ҳимоянинг ўзи йўқ” - деди Мюллер Football Italia хабарига кўра.