Голландия терма жамоасининг собиқ яримҳимоячиси Роналд де Бур Россия терма жамоасининг янги бош мураббийи ким бўлиши кераклиги тўғрисида ўз фикрини билдирди.

“Хиддинкнинг мураббийлик фаолияти ўз ниҳоясига етди. У маслаҳатчи бўлиб ишлаши мумкин, аммо бош мураббий бўлиб ишлай олмайди. Унда аввалгидек иштиёқ йўқ, майдонда кўп вақтини ўтказиб, футболчиларни доимо кузатиб боролмайди.

Ван Гаал тўғрисида айтадиган бўлсам, у ишга бор кучини сарфлайдиган мураббий. 10 йил олдин мураббийлик фаолиятини якунлагани тўғрисида гапирганди, бироқ ҳозиргача ишлашда давом этмоқда. У Россия учун жуда мос. Ёш футболчилар билан ишлашни биладиган мутахассис” - деди Роналд де Бур.