Осиё футболи кундан-кунга бойиб бормоқда. Айниқса, Хитой клублари ақл бовар қилмас пулларни футболчиларни сотиб олиш учун сарфлашмоқда. Қуйида бу мавсумда Осиё жамоалари амалга оширган энг қиммат трансферлар билан танишинг.

Эвертон Рибейро. У «Крузейро»дан БААнинг «Ал Аҳли» жамоасига 15 миллион еврога ўтган.
Муса Соу. «Ал Аҳли» Соуни «Фенербахче»дан 16 миллион еврога сотиб олди.
Элкесон 18,5 миллион еврога «Гуанжоу Эвергранд»ни бошқа Хитой жамоаси «Шанхай»га алмаштирди.
Рамирес «Челси»дан 28 миллион евро эвазига «Жингсу Сунинг»га ўтди.
«Гуанжоу Эвергранд» Колумбия терма жамоаси ҳужумчиси Жексон Мартинесни «Атлетико»дан 42 миллион евро эвазига сотиб олди.

Бразилия терма жамоаси аъзоси Алекс Тейшера «Шахтёр»дан «Челси»га ўтиши кутилганди, лекин у катта пулларни ва «Жингсу Сунинг»ни танлади. Бу учун Хитой клуби «Шахтёр»га 50 миллион евро тўлади.

Жорий мавсумдги Осиё футболидаги энг қиммат трансферни эса «Шанхай» жамоаси амалга оширди. Улар «Зенит»дан ҳужумчи Халкни 55,8 миллион евро эвазига сотиб олишди.