ГФРнинг собиқ футболчиси Пауль Брайтнер фикрига кўра, у Европа чемпионатининг даражасидан ҳафсаласи пир бўлган.
«Ҳозирча бу мусобақа Евро-2004 сингари жуда ёмон ўтмоқда. УЕФА эса ФИФА изидан бориб, катта пул топиш мақсадида жамоалар сонини оширди, бу эса ўйинлар сонини кўпайтириб, сифатини пасайтириб юборди. Португалия терма жамоасининг ўйинига қаранг, асосий вақтда бирорта ўйинда ғалаба қозонмаган жамоа яримфиналга чиқиб ўтирибди. Чемпионатни олдинги форматга қайтариш ва жамоалар сонини кескин қисқартириш керак», — деди Брайтнер ServusTV эфирида.
