Евро-2016 мусобақасида медиа офицер бўлиб ишлаган Молдова ФФ матбуот атташеси Виктор Даги қизиқ воқеани сўзлаб берди.
"Словакияга қарши учрашув олдидан ўтказилган матбуо анжуманига Рой Ходжсон Англия термаси матбуот котиби билан бирга келди. Улар билан ёнма ён ўтириб, англияликлар матбуот атташеси 70 ёшли Рой Ходжсонни мунтазам тинчлантиришга ҳаракат қилганига гувоҳ бўлдим.
Англия термаси устозига ўткир саволлар бераишар, матбуот котиби эса уни тинчлантирар эди. Журналистлар шундай саволлар беришар эдики, чунки Англия устида катта босим бор эди, улар гуруҳдан чиқа олмасликлари ҳам мумкин эди. Мен матбуот котибининг "Рой, хотиржам бўл", "Рой, қўполлик қилма" деган сўзларини тез-тез эшитиб турардим. У матбуот котибидан кўра, психологга ўхшар эди", - дейди Даги "Молдова футболи" нашрига.
Ходжсон Евро-2016 1/8 финалида Исландиядан учралган мағлубиятдан сўнг (1:2) истеъфо берган эди.
