"Насаф" ўз қароргоҳида иккинчи даврага тайёргарликларни давом эттирмоқда. Бугун “Насаф” футболчилари иккига бўлинган ҳолда ўзаро назорат учрашуви ўтказишди.
Учрашув 2:2 ҳисобида дуранг натижа билан якунланди. Учрашувдаги голларни Азамат Алланиёзов (2), Фозил Мусаев ва Шахбоз Эркиновлар (пенальтидан) киритишди.
Назорат учрашувида қуйидаги футболчилар майдонга тушишди. Жамоамиз футболчилари майдонда кўк ва оқ футболкаларда ҳаракат қилишди.
“Кўклар”: Жавоҳир Комилов, Илдар Маматказин, Деян Больевич, Шуҳрат Муҳаммадиев, Фозил Мусаев, Баҳром Абдураҳимов, Фаррух Сайфиев, Огнен Красич, Аслиддин Абдиев, Сирожиддин Қўзиев, Дилшод Хушбаков.
“Оқлар”: Максим Криушев, Шерзод Аъзамов, Игорь Голбан, Никита Павленко, Собит Синдоров, Сайдулло Раҳматов, Нажмиддин Нормуродов, Акмал Муродов, Ислом Рашидхонов, Азамат Алланиёзов, Дониёр Нарзуллаев.
Учрашувнинг иккинчи бўлимида Жавоҳир Комилов ўрнига Санжар Қувватов, Аслиддин Абдиев ўрнига Шахбоз Эркинов ва Собит Синдоров ўрнига Ислом Рашидхоновлар майдонга тушишди.
"Насаф" сафига яқинда келиб қўшилган сербиялик легионер асосан ўнг қанот ярим ҳимоясида ҳаракат қилди, биринчи бўлимда унинг амалга оширган бурчак тўпини Фозил Мусаев голга айлантирди.
