Халқаро Арбитраж Суди россиялик енгил атлетикачилар ва Россия Олимпия Қўмитасининг Енгил Атлетика Халқаро Федерацияси устидан берган даъво аризасига нисбатан ўз муносабатини маълум қилди, деб ёзди «Sports.ru».
«Халқаро Арбитраж Суд Россия Олимпия Қўмитаси ва 68 нафар россиялик енгил атлетикачининг даъвосини рад этади» — деб ёзилган суд хабарида. Даъво аризасида россиялик спортчиларнинг халқаро мусобақаларда иштирок этишига қўйилган тақиқ олиб ташланиши сўралганди.
Суд қароридан кейин Россия енгил атлетикачилари Рио-2016 олимпиадасида иштирок этмайдиган бўлди.
