Эрон мезбонлик қилган шахмат бўйича мактаб ўқувчилари ўртасидаги Осиё Чемпионатида Ўзбекистон терма жамоаси умумжамоа ҳисобида 3-ўринни эгаллади. ЎзА маълумотига кўра мамлакат делегацияси 6 та олтин, 3 та кумуш ва 2 та бронза медалини қўлга киритган.
Олтин
7 ёшгача бўлган ўқувчилар ўртасидаги турнирларда ўзбекистонлик Афруза Ҳамдамовага уч йўналиш бўйича ҳеч бир спортчи тенг кела олмади. У рапид ва блицда ҳам барча рақибаларини мағлуб этишга муваффақ бўлди.
Хумоюн Синдоров ҳам 7 ёшгача бўлган шахматчиларнинг рапид беллашувларида барчадан кўп очко тўплади. Алихон Авазхонов Ўзбекистон терма жамоаси учун бешинчи олтин медални тақдим этган бўлса, 15 ёшгача бўлган ўқувчилар тўқнашувининг блиц қисмида Далер Воҳидов Осиё чемпионлигини қўлга киритди.
Кумуш
Алихон Авазхонов Афруза Ҳамдамова сингари ҳар учала мусобақада совринли бўлди. Рапид ва блицда 2-ўринларни эгаллаган 7 ёшли спортчи 2 та кумуш медални делегация учун тақдим этди. Учинчи кумуш эса рапиднинг қизлар ўртасидаги беллашувида иштирок этган Нозима Валиеваники бўлди.
Бронза
Нозима Валиева блицда ҳам кумушга эга бўлишга ҳаракат қилиб, якунда бронза билан чекланди. 9 ёшгача бўлган спортчилар ўртасидаги турнирда Расул Абдуллаев яна бир бронзани қўлга киритди.
