«Наполи» президенти Аурелио Де Лаурентис Гонсало Игуаинни «Ювентус» клубига ўтиш ҳақидаги қарорини сотқинлик деб баҳолади.

«Игуаинни «Ювентус»га ўтиши ҳақидаги хабарни эшитганимиздан ярим соат ўтгач, келгуси режаларни туза бошладик. Гонсало агентининг интервьюсидан сўнг янги ҳужумчи излашимиз лозимлигини англаб етдик. Афсуски, Игуаин клубда ўтказган уч ажойиб мавсумга тупуриб, бизни мана шундай тарзда тарк этишини кутмаган эдик. Баъзилар сотқинлик ҳақида гапириш ноўрин дейишяпти, бироқ мен бошқача фикрдаман. Бу айнан сотқинлик, шу билан бирга нонкўрлик ҳамдир. «Ювентус» товон пулини тўлаб ҳеч қандай қоидани бузмади, аммо улардан бу ишни кутмаган эдим» - деди Де Лаурентис Corriere dello Sport хабарида.