«Атлетико» бош мураббийи Диего Симеоне «Тоттенхэм»га қарши ўйиндан сўнг ўз фикрлари билан ўртоқлашди.

Эслатиб ўтамиз, Халқаро чемпионлар кубоги доирасида бўлиб ўтган ўйинда «Атлетико» 1:0 ҳисобида ғалаба қозонди. 

«Яхши ва шиддатли ўйин бўлди. Биз барча учрашувларга бир хил кайфиятда чиқамиз. Облак эса жаҳоннинг энг яхши дарвозабонларидан бири. Унинг даражаси жуда ажойиб», — деди Симеоне. 

«Тиягу билан ҳаммаси жойида. У техник томондан ҳам, тактик жиҳатдан ҳам ўзини ақлбовар қилмас даражада кўрсата олди», — деди аргентиналик мутахассис. 

«Ёш ўйинчиларимиз тажовузкорлик ва тезликни кўрсата олишди. Бу академия яхши ишлаётганидан далолат», — дея қўшимча қилди «Атлетико» бош мураббийи Диего Симеоне. 

Маълумот учун, «Атлетико» дарвозабони Ян Облак «Тоттенхэм» — «Атлетико» учрашувининг энг яхши ўйинчиси деб топилди.