«Бавария» клуби бошқаруви қўмитаси раиси Карл Хайнц Румменигге ярим ҳимоячи Ренату Саншешнинг ҳақиқий ёши борасида шубҳаси йўқлигини таъкидлади.
Бироз вақт муқаддам франциялик мутахассис Ги Ру Саншешнинг ҳақиқий ёши 23-24да эканини айтган эди. Гарчи у кейинчалик узр сўраб, адашганини тан олса-да, шундан сўнг турли фикрлар пайдо бўлган.
"Биз Саншешнинг ёшини текширдик. Унинг ҳақиқий ёшини тасдиқловчи ҳужжатлар бор. Масалан, метрикаси. Боз устига фото ва видеолар ҳам бор", - дейди Румменигге Мунчнер Меркуръга.
Эслатиб ўтамиз, ярим ҳимоячи 1997 йилда туғилгани кўрсатилган, аммо бу борада турли фикрлар билдирилган эди.