Аёллар ўртасидаги XII Ўзбекистон чемпионати биринчи даврасини пешқадамликда якунлаган жамоамиз давралар оралиғидаги таътилдан қайтиб келди. “Севинч” жамоаси футболчилари 3 август куни Қарши шаҳридаги ўз қароргоҳида йиғилди.
Жамоамиз 3 августдан бошлаб иккинчи даврага тайёргарлик машғулотларини бошлаб юборди.
Машғулотлар клуби қароргоҳидаги уй стадиони – “Геолог”да кунига икки маҳалдан ўтказилмоқда. Дастлабки машғулотлар футболчиларнинг жисмоний ҳолатини яхшилашга қаратилган.
Жамоамиз таркибида битта ўзгариш бор. Аввал жамоамиз таркибида тўп тепган ҳужумчи Маҳлиё Сарикова иккинчи даврадан яна “Севинч” жамоасидаги фаолиятини давом эттиради.
Жамоамиз иккинчи давра учрашувлари бошланишидан аввал XV Ўзбекистон кубоги учрашувларида майдонга тушади. Кубок учрашувлари 17 ва 18 август кунлари бўлиб ўтади.
