Халқаро чемпионлар кубоги-2016 мусобақаси доирасида «Ливерпуль» - «Барселона» ўйини бўлиб ўтди. Лондоннинг «Уэмбли» стадионида ўтказилган учрашувда «Ливерпуль» йирик ҳисобда ғалаба қозонди.

15-дақиқада Лаллана томонидан узатилган айжоиб тўп оширишдан сўнг Садьо Мане дарвозабон билан яккама-якка чиқди ва дарвозанинг юқори бурчагини аниқ нишонга олиб, ҳисобни очди.

Иккинчи бўлимнинг дастлабки дақиқаларида «Барселона» иккита гол ўтказиб юборди. Дастлаб, Вейналдумнинг ўнг қанотдан жраима майдонига етказган тўпини Маскерано ўз дарвозасига йўллаб қўйди. Орадан 1 дақиқа ўтгач, Ориги дарвозабон билан юзма-юз чиқиб, уни доғда қолдирди.

Ҳакам томонидан қўшиб берилган дақиқаларда Груйич боши билан чиройли зарба йўллаб, ҳисобни шармандали кўринишга келтирди.

«Ливерпуль» (Англия) – «Барселона» (Испания) – 4:0 (1:0)

Голлар: 1:0 – Мане (15), 2:0 – Маскерано (47, автогол), 3:0 – Ориги (48), 4:0 - Груйич (90+3).

ЛИВЕРПУЛЬ: Миньоле, Клайн, Ловрен, Клаван, Жон (Стюарт, 46), Милнер (Морено, 42), Вейналдум (Груйич, 73), Лаллана (Хендерсон, 46), Коутиньо (Ориги, 46), Фирмино (Ингз, 73), Мане (Маркович, 72).

БАРСЕЛОНА: тер Штеген (Браво, 46), Алеиш Видаль (Серхи Роберто, 46), Матье, Камара (Динь, 60), Маскерано (Пике, 60), Бускетс (Иньеста, 61), Туран (Ракитич, 61), Денис Суарес (Сампер, 76), Месси (Альфаол, 76), Суарес (Мухика, 75), Мунир.