Лондондаги «Олимпия» стадионида «Вест Хэм» ва «Ювентус» клублари ўртоқлик ўйинини ўтказишди. Бу стадион янги мавсумда «болғачилар»нинг уй аренаси бўлади. Ўйиндан олдин стадионнинг очилиш маросими ўтказилди.

Биринчи бўлимда «Юве» икки марта рақиб дарвозасига гол урди. Голлар Дибала ва Манжукич ҳисобига ёзилди. Шундан сўнг Энди Кэррол дубль соҳиби бўлиб ҳисобни тенглаштирди. Бироқ Дзадза сўнгги дақиқаларда гол уриб жамоасига ғалаба келтирди.

Иккинчи бўлимда Гонсало Иугаин «Ювентус» таркибида дебют қилди ва ёмон таассурот қолдирмади. Аргентиналик ҳужумчининг ҳали яхши жисмоний ҳолатда эмаслиги кўриниб турди.

Вест Хэм Юнайтед (Лондон, Англия) – Ювентус (Турин, Италия) – 2:3

Голлар: Дибала, 18 (0:1); Манжукич, 21 (0:2); Кэрролл, 34 (1:2); Кэрролл, 54 (2:2); Дзадза, 86 (2:3).