Бразилия олимпия терма жамоасининг мухлислари 2-турдан ўрин олган Ироқ (0:0) олимпиячиларига қарши ўйин натижасидан норози бўлишди, деб хабар бермоқда O Globo.
Рожерио Микале шогирдлари иккинчи ўйинда ҳам рақиб дарвозасига гол ура олишмади. Ўйин давомида мухлислар Неймарга тўп келиб тушиши биланоқ Марта, Марта деб бақириб ўтиришди. Эслатиб ўтамиз, Марта Бразилия аёллар терма жамоасининг ҳужумчиси. Финал ҳуштаги янграгандан сўнг эса Ироқ олимпиячиларини қарсаклар билан кузатиб қолишди.
Гуруҳнинг сўнгги ўйинида Бразилия 11 август куни Дания билан ўйнайди.
