Испания қироллик футбол федерацияси раҳбари Анхель Мария Вильяр УЕФА президенти сайловида ўз номзодини олиб ташламаган, деб таъкидламоқда УЕФА бош котиби вазифасини бажарувчи Теодор Теодоридис.
«Бу ҳақда ҳеч нима билмайман, У билан мунтазам гаплашиб тураман, номзодини олиб ташлагани ҳақида ҳеч нарса демаган. Бизда ҳалиям уч нафар номзод бор» - деди Теодоридис.
Эслатиб ўтамиз, УЕФА президенти сайлови 14 сентябрь куни Афинада ўтказилади. Унда Вильярдан ташқари словениялик Александер Чеферин ва голландиялик Михаэль ван Прааг иштирок этади. Мутахассисларнинг фикрича, Вильярнинг ғолиб чиқиш эҳтимоли юқори.
