Қозоғистон футбол федерацияси сайтида Россия ўсмирлар терма жамоаси деб кўрсатилган жамоа Тожикистон (0:6), Эрон (0:10) ва Озарбойжон (1:12) терма жамоаларига мағлуб бўлди.

Аслида бу жамоанинг РФИга ҳеч қандай алоқаси йўқ, дея аниқлик киритди РФИ спорт директори Николай Писарев.

"Бу мусобақага биз ҳеч кимни юьормаганмиз. Ҳатто кимдир бизнинг номимиздан қатнашганини ҳам тасаввур қила олмаймиз. Қозоғистон ФФ билан алоқага чиқамиз", - дейди Писарев.

Мусобақанинг расмий протоколида "Россия ўсмирлар терма жамоаси"нинг бош мураббийи Давид Хмелидзе кўрсатилган. Озарбойжонга қарши қуйидаги фамилияли футболчилар майдонга тушишган: Кулумбегов, Лебедев, Абшилава, Аблов, Оганджанян, Гогричиани, Мардеросян, Янушкевич, Папазян, Галустян, Роступняк, Кюлян, Трифонов, Зарандия, Воуба, Кегеян.

Маълумотларга кўра, Қозоғистонга Сочи шаҳри жамоаларининг бири ёки Краснодар ўлкасининг терма жамоаси борганлиги тахмин қилинган.