Рио-де-Жанейро олимпиадасининг эркаклар ўртасидаги мусобақада 10та вазн тоифасида иштирок этаётган Ўзбекистон делегацияси илк йўқотишга учради.
Терма жамоа сафида энг катта тажрибага эга бўлган Элшод Расулов кутилмаганда Жошуа Буатсига имкониятни бой берди. 23 ёшли буюк британиялик боксчи жисмоний жиҳатдан ҳамюртимиздан устун эканини намойиш қилиб, биринчи ва иккинчи раундларда кичик устунликка эга бўлди. Учинчи бўлимда эса Элшод рақибнинг кучли зарбасини ўтказиб юбориб, рингга йиқилди. Шундан сўнг Расулов ўзига кела олмади ва шу раунднинг ўзида яна икки марта нокдаунга учради. Натижада рефери муддатидан аввал жангни тўхтатди. Ўзбекистонлик боксчи техник нокаут билан мағлубиятга учради.
Шу тариқа, боксчиларимиздан дастлабкиси мусобақани тарк этди.