Қозоғистонлик боксчи Қайрат Ералиев Рио-2016 муваффаққиятли стартидан сўнг фикрлари билан ўртоқлашди.
56 кг гача бўлган вазн тоифасида Ералиев Жавид Челебиевни енгиб 1/8 финалга чиқди. Бу ерда уни Ўзбекистон вакили Муроджон Аҳмадалиев кутиб турибди.
- Навбатдаги рақибингиз ўзбекистонлик боксчи сизга яхши таниш.
- Мен унга жаҳон чемпионатида ютқазгандим. Олимпиадада унга қарзимни қайтармоқчиман, - дейди Ералиев.
Навбатдаги босқичда Аҳмадалиев - Ералиев жанги 15 август куни бўлиб ўтади.