«Ювентус» клубининг собиқ яримҳимоячиси Андреа Пирло Поль Погбанинг «Манчестер Юнайтед» клубига қайтиши тўғрисида ўз фикрларини баён қилди.
«2012 йил Погба «Ювентус»га келиб, биринчи машғулотда қатнашганида, бутун жамоа бўлиб кулганмиз. Сабаби, «МЮ» шундай қобилиятли футболчини бепул қўйиб юборганига ишонмаганмиз. Билишимча, «Ювентус»да бу воқеа устидан ҳозиргача кулишади.
Буни аниқ эслайман, машғулотдан сўнг кийиниш хонасига йўлланганимизда, Буффон менга: «Наҳотки улар бу йигитни бепул қўйиб юборишган бўлса?» - деган». Энди эса «Юве» уни катта пулга сотишга муваффақ бўлди» - деди Пирло Football365 хабарида.