Давралар оралиғида “Локомотив” сафига келиб қўшилган босниялик футболчи Славен Степанович кеча ўз дебютини нишонлади. Ярим ҳимоячи ўйиннинг 73-дақиқасида захирадан Сардор Мирзаев ўрнига майдонга тушди.
Степановичда биринчи ўйини бўлгани учун бироз ҳаяжон сезилиб турди. У ўйинга тезроқ киришиб кетишга ҳаракат қилди. Бир вазиятда унинг зарбаси голга айланиши ҳам мумкин эди. “Биринчи ўйиним бўлгани учун ўзимни кўрсата олмадим, кейинги баҳсларда яхшироқ тўп тепишга ҳаракат қиламан. Лекин аламлиси, ғалаба қозона олмадик”, – деди Степанович ўйиндан кейин.
