1. АПЛ тўдабошилари

13 август куни Англия премьер лигасининг 2016-17 йилги мавсумига старт берилди. Бу йил чемпионлик учун курашадиган жамоалар жуда кўп. Барча жамоаларга омад!

2. Эҳтиёт бўлинг, йўлбарслар!

АПЛнинг биринчи турида амалдаги чемпион "Лестер", яни "тулкилар" "Халл Сити", яъни "йўлбарслар" меҳмони бўлишди ва мағлубиятга учрашди. Дебютант жамоа старт ўйинда чемпионни енгиб, тарихга кирди.

3. Венгер, аут!

Ушбу турнинг марказий учрашувида "Арсенал" ўз майдонида "Ливерпуль" клубини қабул қилди ва драматик тарзда кечган ўйинда мағлуб бўлишди. Бу эса Арсен Венгернинг вақти тугаётганидан дарак бермоқда.

4. Итальян Конте

АПЛда дебют қилган "Челси" бош мураббийи Антонио Конте "Вест Хэм" устидан ғалаба қилгач, хурсандлигидан ўзини қўярга жой тополмай қолди.

5. Бақалоқ Руни

"Манчестер Юнайтед" клубининг собиқ ҳимоячиси Пол Паркер жамоа ҳужумчиси Уэйн Руни ҳақида фикр билдирар экан, унинг ортиқча вазни ва секин ҳаракатини алоҳида таъкидлаб ўтди.

6. Райола Ал Капоне вилласини сотиб олди

Супер агент номини олган Мино Райола Пол Погбани "МЮ"га олиб келгач, ўзи ҳам яхшигина фойда кўрди. Натижада тушган пулга олдин машҳур америкалик босқинчи Ал Капонега тегишли бўлган Маямидаги виллани сотиб олди.

7. Венгернинг ақчадони

Ниҳоят "Арсенал" жамоаси бу йилги трансфер бозорида футболчи чотиб олишга бел боғлади. "Тўпчилар" мураббийи Шкодран Мустафи билан шартнома имзолашга яқин турибди.

8. СуперМесси

Аргентина терма жамоаси ҳужумчиси Лионель Месси янги бош мураббий тайинлангандан сўнг термага қайтиб, барча муаммоларга ечим топишга ҳаракат қилиб кўради.