Франция терма жамоасининг собиқ ҳужумчиси Кристоф Дюгарри ПСЖ ҳужумчиси Эдинсон Каванидан тўпурарликни кутмаслик лозим деб ҳисобламоқда.
«Ҳа, Каванида Иброҳимовичнинг қобилияти йўқ, аммо бошқа ҳислатлари бор. У кўпроқ жамоавий футболчи.
Кавани нима учун кўплаб вазиятларда гол урмаётганини тушунтириб беролмайман. Балки унда ўзига бўлган ишонч йўқолгандир, мухлисларнинг талабини қондира олмаслигидан қўрқаётгандир. Бироқ ишончим комил, у ҳали гол уради» - деди Дюгарри RMC хабарида.