"Реал" раҳбарияти яқин вақтлар ичида жамоа ҳужумчиси Криштиану Роналду билан шартномасини узайтирмоқчи, дея хабар беради Marca.
Португалиялик футболчининг шартномаси яна бир йилга узайтириш имконияти билан 2020 йилгача узайтирилади. Бунда Роналдунинг маошида ўзгариш бўлмайди, у йилига 21 миллион евро маош олишда давом этаверади. Футболчининг шартномаси ўйинлар сонига қараб 2021 йилгача узайтирилиши мумкин. Янги шартнома сентябрь ойи охиригача имзоланиши кутилмоқда.
Роналдунинг "Қироллик клуби" билан амалдаги шартномаси 2018 йилнинг ёзигача тузилган.