«Манчестер Юнайтед» яримҳимоячи Бастиан Швайнштайгерни бошқа клубга бепул қўйиб юборишга тайёр, деб хабар беради The Guardian.
Футболчи бош мураббий Жозе Моуриньонинг режаларига кирмай, ёшлар жамоасига ўтказиб юборилган эди. «Швайни» ҳафтасига 140 минг фунт маош олиши туфайли, «МЮ» уни бошқа клубга бепул қўйиб юбориб, анча-мунча маблағни тежаб қолмоқчи.
Эслатиб ўтамиз, Швайнштайгер аввалроқ Европада бошқа клуб таркибида ўйнамаслигини эълон қилган эди. Хитой ва МЛСда трансфер ойнаси ёпилганини инобатга оладиган бўлсак, у Қатар ёки БАА клубларига ўтиши мумкин.
