ФИФА президенти Жанни Инфантино жаҳон чемпионати иштирокчилари сонини 40тага кўпайтириш шартлиги ҳақида гапирди.
«Жаҳон чемпионати фақат ўйинлар тўпламидан иборат эмас, у одамлар учун муҳим воқеага айланиб бормоқда. Европа чемпионати мисолида оладиган бўлсак, уэльсликлар, исландияликлар, албанияликлар ёки можарларни қувончини мисол келтиришим мумкин. Бу жуда ажойиб.
Жаҳон чемпионатларида 40 жамоа бу кўп, аммо ФИФАнинг футболни бутун дунёда ривожлантириш мақсадларига тўғри келади.
Олимпиада футбол турнири – бу муаммо, уни ХОҚ билан муҳокама қилишимиз лозим. Футбол тақвими жуда тиғиз, бу муаммони жиддий муҳокама қилишимиз шарт» - деди Инфантино.