«Арсенал» яримҳимоячиси Гранит Чака жамоадошлари Месут Ўзил, Алексис Санчес ва Санти Касорладан кўп нарсани ўрганаётгани тўғрисида гапириб берди.
«Арсенал»даги дастлабки кунлар асабий ўтди. Дунё савиясидаги футболчилар билан машғулот қилиш қийин кечди, бунга ўрганмаган эдим. Ўзил, Санчес ва Касорла шундай футболчилардан. Клуб менинг трансферим учун катта пул сарфлаганига қарамай, улардан ўрганадиган нарсам кўплигини тушуниб турибман. Машҳурликка берилиб кетишдан сақланишим лозим, акс ҳолда захира ўриндиғига михланиб қолиш ҳеч гап эмас» - деди Чака.
