“Бунёдкор” – “Обод” (3:0) учрашувидан кейинги матбуот анжуманининг биринчи қисмида меҳмонлар устози Жафар Ирисметов қатнашди.

- Аввало, “Бунёдкор” жамоасини ғалаба билан табриклайман. Жамоада бугундан иш бошладим. Аслини олганда, “Обод”дан кетмагандим. Яхши биласизлар, қишки ўқув-машғулот йиғинларида жамоа билан бирга эдим. Кейин маълум сабабларга кўра бевосита “Обод” билан бирга бўлмадим. Лекин жамоадагилар билан маслаҳатлашиб турардим. Ўйинга тўхталадиган бўлсам, рақиб ҳар жабҳада биздан устунлик қилди. Ҳозир мен бошқарувга келган бўлсам ҳам ўзгаришлар қилишга тайёр эмасман. Аввало вақт кам. Тақвим тиғиз. Аввалги мураббий Мочинов бошлаган ишни давом эттираман. Мусобақа жадвалидаги ҳолатимизга хавас қилиб бўлмайди. Шу боис кейинги учрашувларда имкон қадар кўпроқ очко олишга интиламиз, - дейди Жафар Ирисметов.