Тошкент вақти билан соат 6-58да Колумбияда 5,9 магнитудага эга кучли зилзила содир бўлди, деб хабар бермоқда АҚШ геология хизмати.
Зилзила эпицентри Мутата шаҳридан 38 км, пойтахт Богота шаҳридан 600 км узоқликда бўлган. Бундан ташқари аҳоли сони бўйича энг катта шаҳарлардан бири ҳисобланмиш Медельин шаҳрида ҳам ер силкиниши сезилган. Ҳозирча қурбонлар сони ва талафотлар кўлами ҳақида маълумот йўқ.
Зилзиланинг содир бўлиш вақти ЖЧ-2016 дан ўрин олган ва Кали шаҳрида ўтказилган Ўзбекистон – Колумбия (3:3) ўйинига тўғри келган.
ЖЧ-2016да иштирок этувчи бошқа шаҳарлардаги жамоалар ер силкинишини сезиши биланоқ, зудлик билан биноларни тарк этишган.
