«Манчестер Юнайтед»нинг собиқ ярим ҳимоячиси Пол Скоулз жамоа ўрта чизиғининг жорий аҳволи борасида ўз фикрларини билдириб ўтди.

«Моуринью Погбага мос ҳамкорларни топиши керак. «Ювентус»да у ўзига дирижёр кераклигини кўрсата олган эди. Туринда у Пирло билан — жаҳоннинг энг яхши плеймейкерларидан бири билан ёнма-ён ўйнаган эди. Шнайдерлин эса барибир кўпроқ ҳимояга қайтиб ўйнайдиган ўйинчи», — деди Скоулз. 

«Ўйлашимча, Моуринью трансфер бозорига чиқиб, шундайроқ футболчини топиши керак. Кэррикнинг қўлидан бу иш келади, бироқ, менинг фикримча, ҳозирги «МЮ»га барибир марказни назорат қилиб тура оладиган ўйинчи керак, Погба эса ўйинни бошқариши керак», — деди Скоулз. 

«Биламан, Моуринью ёзда таркибга қўшиб олган тўрт футболчисидан қониқиш ҳосил қиляпти, лекин, ўйлашимча, «МЮ»га Лука Модрич ёки Тони Кроосдек ўйинчи керак. Фикри ожизимча, бу футболчиларни сотиб олиш мумкин. Бундай футболчилар бирга Погба ўзини қулайроқ ҳис қилади», — дея қўшимча қилди Скоулз.