«Кьево» клубининг ҳужумчиси Риккардо Межжорини кўча зўравонининг таҳдидига учраган аёлни қутқариб қолди, деб хабар бермоқда Football Italia.
Таъкидланишича, футболчи тунда ойнаси остидаги қичқириқлардан уйғониб кетган. Пастга қараганида кўчада бир аёлни ураётган эркакни кўрган. Шундан сўнг Межжорини аёлига полицияга қўнғироқ қилишни айтиб, ўзи пастга тушган ва зўравонни ушлаб, ерга босган. Полиция етиб келгунча уни қўйиб юбормаган.