Словакия терма жамоасининг ҳимоячиси Ян Дюрица ЖЧ-2018 саралашидан ўрин олган Англияга (0:1) қарши ўйиндан сўнг, бош ҳакамнинг ҳаракатларидан норози эканини яширмади.
«Гуруҳдан фақат бир жамоа кейинги босқичга чиқади, гуруҳимизда эса Англия бор. Албатта барча Англияни чиқишини истайди. Ҳакам ҳам бугун шундай фикрда бўлган» - деган эди Дюрица Daily Mail хабарида.
Энди унинг шу гаплари юзасидан ФИФА суриштирув ишларини бошлаб юборган.
«Дюрицанинг гапларини текширмоқдамиз. Ҳозирги кунда барча маълумотлар тўпланмоқда» - деди ФИФА мулозими бу ҳақда.
Агар Дюрицанинг гаплари ўз исботини топмаса, у катта миқдорда жаримага тортилиши ёки узоқ муддатга дисквалификация қилиниши мумкин.