«Манчестер Сити» ярим ҳимоячиси Яя Туре қишда Англиянинг исталган жамоасига ўтиши мумкин.
The Guardian нашри ахборотига кўра, «шаҳарликлар» ярим ҳимоячини Премьер-лиганинг исталган клубига қўйиб юборишга тайёр.
Қайд этишларича, футболчи ҳатто чемпионлик учун курашда «Манчестер Сити»нинг бевосита рақиби ҳисобланган жамоага ҳам ўтиши мумкин.
Аввалроқ Хосеп Гвардиола Туренинг агенти Дмитрий Селюк кескин баёнотлари учун узр сўрамагунича, Туре «Ман Сити»да ўйнамаслигини айтиб ўтган эди.
Селюк узр сўрамоқчи эмас. Туренинг «Манчестер Сити» билан амалдаги шартномаси жорий мавсум охирига қадар амалда бўлади.
