«Ницца» бош мураббийи Люсьен Фавр «Монако»га қарши ўйинда дублга эришган ҳужумчи Марио Балотеллининг ўйинидаги ўсиш ҳақида фикр билдирди. 

«Ўйинда дублга эришган Балотеллининг голи жуда муҳим эди, у бизга руҳий жиҳатдан ўзимизга бўлган ишончни кучайтиришга хизмат қилди», — деди Фавр. 

«Марио жамоамиз учун муҳим ўйинчи. У шу руҳда ҳаракат қилишда давом этиши керак, у ҳали янада кучлироқ ўйин кўрсатиши мумкин», — деди мураббий. 

«Оғир ўтган бир неча йиллик фаолиятдан сўнг у яна юқори савияга қайтиши мумкин. Биз унинг янада кучли бўлишига ёрдам беришни истаймиз», — деди «Ницца» устози. 

«Икки ўйинда тўрт гол? Мен Балотеллидан буни кутмагандим», — дея қўшимча қилди Люсьен Фавр.