«Пари Сен-Жермен» клуби ёзда "Манчестер Юнайтед"га ўтган ҳужумчи Златан Ибраҳимович сўнгги маошининг бир қисмини ушлаб қолди.
34 ёшли футболчи клубдан маълум миқдорда қарзи борлиги учун парижликлар шундай қарор қабул қилишган. Ибраҳимович 2012 йилда «Милан»дан «ПСЖ»га ўтганда парижликлар футболчи тўлаши керак бўлган солиқни Италия ғазнасига тўлаб берган. Ўшанда ҳужумчи ушбу қарзни клубга қайтариш борасида ёзма кафолат берган. Аммо Златан шу пайтгача қарзни қайтармай келган.
Ибраҳимович қарзни клубга қайтарса, «ПСЖ» ушлаб қолинган 30 фоиз ойлик маошни футболчига тўлаб беради.