«Манчестер Юнайтед» яримҳимоячиси Хуан Мата сўнгги ўйинлардаги мағлубиятлардан сўнг ёғдирилган танқидларга муносабатини билдирди.
«Бунга ажабланмайман, «Манчестер Юнайтед»ни жуда кўп одам муҳокама қилади. Бу дунёнинг катта клубларидан бири.
Ғалабаларимизга хурсанд бўладиганлар билан бир қаторда, мағлубиятимизга ҳам хурсанд бўладиганлар бор. Лекин мен профессионал футболчиман ва танқидларга эътибор бермайман. Агар ҳар бир танқидчига қулоқ солинса, ақлдан озиш ҳеч гап эмас», – деди испаниялик футболчи клубнинг расмий сайтида.
