«Рома» ҳужумчиси Франческо Тоттининг турмуш ўртоғи Илари Блази жамоа бош мураббийи Лучано Спаллеттини танқид қилди.
Маълумот учун, Спаллетти римликлар фахрийси Тотти билан келиша олмаяпти, ўтган мавсум охирида ҳатто уни машғулотлардан ҳам четлатган эди.
«Мен мураббийнинг қарорларини танқид қилмайман, бироқ инсоннинг хулқини, ахлоқини танқид остига оламан», — деди Илари Блази.
«Спаллетти ўзини майдакашлардек тутди. У бироз сезгир бўлиши мумкин эди, бироқ буни хоҳламади. Унга жуда паст баҳо берган бўлардим», — деди Тоттининг хотини.
