The Telegraph нашри коррупция билан боғлиқ можарога аралашиб қолган 3 нафар мураббийнинг номини эълон қилди.
Улар - «КПР» менежери Жимми Флойд Хасселбайнк, «Барнсли» бош мураббийи ёрдамчиси Томми Райт ва «Лидс» хўжайини Массимо Челлино.
Хасселбайнк «КПР»га футболчи таклиф қилиши учун даллола компаниядан 55 минг фунт сўраган. Райт клубига футболчиларни жойлаштириш учун агентидан 5 минг фунт талаб қилган. Челлино эса агентлар билан учрашувда Футбол ассоциацияси қоидаларини четлаб ўтган ҳолда трансферни амалга ошириш мумкинлигини гапирган.
Эслатиб ўтамиз, бу можаронинг биринчи қурбони Англия терма жамоасининг бош мураббийи Сэм Эллардайс бўлган ва у истеъфога чиқарилган эди.
