«Реал» ярим ҳимоячиси Хамес Родригес Испания чемпионатининг 7-тури доирасида бўлиб ўтган «Эйбар»га қарши ўйинда (1:1) иштирок эта олмади.
25 ёшли футболчи ўйиндан олдинги чигалёзди машғулотида жароҳат олди. Унинг чап оёғининг тўпиқ қисмидаги мушагида чўзилиш юзага келган. Натижада ўйин бошланмасидан аввал Хамеснинг ўрнига Матео Ковачич асосий таркибда майдонга туширилди.
Шунга қарамай, Хамес ЖЧ-2018 саралаши доирасида Парагвай ва Уругвайга қарши ўйинларида иштирок этиш учун Колумбия терма жамоаси қароргоҳига йўл олади.