«Барселона» дарвозабони Марк-Андре тер Штеген «Сельта»га қарши ўйинда (3:4)ўтказиб юборилган тўртинчи гол учун узр сўради.
«Биз охиригача курашдик, аммо охирги гол — менинг айбим. Бунинг учун жамоадошларимдан узр сўрайман. Мен Хордига пас бермоқчи эдим. Бу йўл қўйиб бўлмайдиган хато бўлди. Агар ўша вазиятда тўғри ҳаракат қилганимда, биз ғалаба қозонган бўлардик. Эрнандеснинг голи — фақат менинг хатом.
Юз берган воқеага қарамай, мен ўз ўйинимни ўзгартирмоқчи эмасман. Бу ҳар замонда бир марта рўй берадиган воқеа. Биз аламли мағлубиятга учрадик, лекин биз олдинга интилишда давом этишимиз керак. Энди терма жамоалар ўйинлари туфайли танаффус юзага келади. Шундан сўнг аввалги йўлимизга тушиб олишга ҳаракат қиламиз», — дейди германиялик посбон.