Жерси ороли футбол ассоциацияси (ЖФА) УЕФА аъзолигига қабул қилинмагани учун ташкилотни Лозаннадаги Спорт арбитраж судига берди.
2015 йили Гибралтар ва Косово УЕФАга қабул қилингач, Жерси ороли ҳам ташклотга ариза топширган эди. Шундан сўнг УЕФА вакиллари оролга ташриф буюриб, ҳудудни «футболдаги мустақиллиги»ни тасдиқловчи асос топа олишмади ва аризага рад жавобини беришди.
Ла-Манш бўғозида жойлашган Жерси ороли Буюк Британияга қисман бўйсунадиган кичик ҳудуд ҳисобланади. Унинг аҳолиси 97 минг кишини ташкил қилади.
Айтиш лозимки, УЕФА ташкилотида тўлиқ мустақил бўлмаган аъзолар бор. Улар Гибралтар (Буюк Британия ҳудуди), Косово (мустақиллиги қисман тан олинган) ва Фарер ороллари (Дания ҳудуди).













