Англиянинг «Манчестер Сити» жамоаси ҳимоячиси Пабло Сабалета испаниялик мутахассис Хосеп Гвардиола «шаҳарликлар» устозига айлангач, бир нечта тақиқни татбиқ қилгани ҳақида сўзлаб берди. Бу ҳақда «Чемпионат» хабар бермоқда.

«Гвардиола футболчилар машғулотдан олдин ва кейин нонушта ҳамда тушликни биргаликда қилишини жорий этди. Бундан ташқари, у бизга интернетдан фойдаланишни тақиқлаб қўйди ва ҳатто 3G’дан фойдаланиш имкониятидан маҳрум қилди.

Шунга қарамай, энг яхши мутахассис билан ишлаш орзуим рўёбга чиқди. У ёки бу тарзда ҳаёт кечирганда, кўп нарсани ўрганасан. Гвардиола футбол билимидан ташқари унга эҳтироси билан ҳам ажралиб туради», – деди аргентиналик футболчи.