25-турга жиддий ҳозирлик кўраётган "Қўқон-1912" бугун Навоийнинг “Қизилқум” клубига қарши назорат учрашувида майдонга тушди. Ўйин жанговор дуранг – 3:3 ҳисобида интиҳо топди.

Учрашувнинг биринчи бўлимида навоийликлар икки марта Рибкин дарвозасини ишғол этишди. Биринчи таймда Неманья Йованович дублга эришди. Голларнинг бирини у пенальтидан киритди. Бу орада Суҳроб Бердиев ўн бир метрли нуқтадан гол ура олмади.
Иккинчи бўлим голларга бой бўлди. Аввалига Бердиев ҳисобни қисқартирди. Илҳом Юнусов эса “Қизилқум”ни яна олдинга олиб чиқди.
Аммо қолган дақиқаларда ҳужумга зўр берган вакилларимиз Ориф Мамажонов ва Носир Отақўзиевларнинг голлари эвазига ҳисобни тенглаштиришга эришишди. Отақўзиев пенальтини аниқ амалга оширганини таъкидлаш жоиз.

Ўртоқлик учрашуви
“Қўқон-1912” – “Қизилқум” – 3:3 (0:2)
Голлар: Суҳроб Бердиев, Ориф Мамажонов, Носир Отақўзиев. – Н. Йованович 2 та, А. Юсупов.
“Қўқон-1912”: 13. Никита Рибкин, 5. Жалил Кимсанов, 7. Отабек Зокиров, 10. Отабек Ҳайдаров, 15. Маъруф Зокиржонов, 55. Дарко Гожкович, 70. Собир Ҳамидов, 75. Иброҳим Раҳимов, 80. Нодир Йўлдошев, 90. Суҳроб Бердиев, 99. Жавоҳир Сиддиқов.
Захира: 4. Миржалол Қурбонов, 9. Носирбек Отақўзиев, 14. Авазхон Маматхўжаев, 20. Достон Турсунов, 22. Ориф Мамажонов, 28. Абдуллох Олимов, 49. Шохрух Холматов.