Испания чемпионатининг 8-туридан ўрин олган ўйинда «Реал» сафарда «Бетис» клубини тор-мор этди.

4-дақиқадаёқ ҳисоб очилди. Кроос чап қанотда белгиланган жарима зарбасидан тўпни жарима майдонига оширганида, ҳимоячилардан баланд сакраган Варан боши билан уни дарвозанинг узоқ бурчагига аниқ йўллади.
31-дақиқада Кроос тўпни Бензамага етказди, у эса чап қанотдан жарима майдонига кириб борди ва яқин масофадан дарвозани аниқ нишонга олди.
Орадан 8 дақиқа ўтгач, Бензема узоқ масофадан зарба йўллади, тўп ҳимоячига тегди ва жарима майдонида эътиборсиз қолдирилган Марселога келиб тушди. У эса яқин масофадан дарвозани аниқ нишонга олди.
Бўлим якунида, қарши ҳужумда Роналду тўпни жарима майдонига оширди. Ўнг қанотдан кириб келган Бэйл тўпни марказга, Искога етказди. У эса яқин масофдан бўш қолган дарвозани аниқ нишонга олди. Жуда чиройли комбинация!
Иккинчи бўлимда захирадан майдонга тушган Сехудо дарвозабон билан юзма-юз чиқди ва осонлик билан гол урди — 1:4.
62-дақиқада Роналду тўпни жарима майдони ичига Бенземага оширганида, у тўпга улгурмади. Бироқ чап қанотдан жарима майдонига кириб келган Иско уни эгаллаб олди ва дарвозанинг узоқ бурчагига аниқ йўллади. Жуда чиройли гол!
78-дақиқада эса Мората ажойиб тўп ошириш орқали Роналдуни дарвозабон билан юзма-юз чиқарди. Бундай қулай вазиятни ҳужумчи қўлдан бой бермади — 1:6.

Испания чемпионати, 8-тур

Бетис – Реал Мадрид 1:6 (0:4)
Голлар: 0:1 – 4 Варан, 0:2 – 31 Бензема, 0:3 – 39 Марсело, 0:4 – 45 Иско, 1:4 – 55 Сехудо, 1:5 – 62 Иско, 1:6 – 78 Роналду.
Бетис – Адан, Манди, Дурмиси, Пиччини, Пеццелья, Брашанац (Зозуля, 46), Петрос, Мартен (Себальос, 67), Санчес, Рубен Кастро, Алегрия (Сехудо, 46).
Реал Мадрид – Навас, Пепе, Марсело, Карвахаль, Варан, Ковачич (Васкес, 65), Кроос, Иско, Бэйл (Асенсио, 79), Роналду, Бензема (Мората, 75).
Огоҳлантиришлар: Иско (43), Пеццелья (49), Зозуля (77), Петрос (90).