Ўзбекистон ёшлар терма жамоаси қитъа чемпионатининг 2-тури доирасида Австралияни 3:2 ҳисобида мағлуб этди. Терма жамоамизнинг иккита голи ярим ҳимоячи Достон Ибрагимов муаллифлик қилди. 18 ёшли футболчи ОФК расмий сайтига интервью берди.

"Австралия терма жамоаси жисмоний жиҳатдан кучли эканини билардик, аммо техник жиҳатдан биз кучлироқ эдик. Мураббийимиз ўйинга белгиланган режага амал қилишимизни тайинлади. Рақибга нисбатан босим ўтказдик ва уларни хато қилишга мажбур қилдик. Якунда бунинг учун мукофотландик.

Футбол — жамоавий ўйин. Унда барча бирдек ҳимояланади, барча ҳужум қилади. Яхлит бир механизм сифатида ўйнасак, яхши натижага эришишимиз мумкин.

Биз ёшлар (U20) ўртасидаги жаҳон чемпионатига чиқишни истаймиз. Терма жамоамиз ушбу мақсадга эришишида ёрдам бериш учун кўп голлар уришни истайман. Бундан бир неча йил аввал Осиё чемпионатига тайёрганликни бошлаган илк кунимиздан бошлаб мураббийимиз бизга буни таъкидлаб келмоқда. Мен унинг ишончини қозонишга ҳаракат қиламан", - дейди Достон Ибрагимов.